明年今日

明年今日就係我地的大日子喇!

開始進入倒數階段, 突然間好似少左好多時間咁

估唔到男朋友肯同我一齊慶祝呢個倒數一周年

平時我話慶祝紀念日佢會話我無聊架

今日只係出去簡簡單單食個晚飯

之後去睇結婚戒指, 一直想早d決定, 因為定左就唔使再周圍睇

男朋友都話係呢日買戒指特別有意義

平時唔多肯行街, 睇啱就買的佢, 仲肯皇恩浩蕩同我行左幾間金舖去揀款

真係好難得

 

我地一早決定唔買tiffany、cartier等名牌

並唔係因為我唔貪慕虛榮, 我其實都好想要

我地決定結婚時曾經去睇過, 但睇完覺得款式無咩特別

款式係靚, 但價錢仲靚

我贊成結婚戒指戴一世唔好慳

但我地覺得唔係慳的問題, 而係值唔值得花咁多錢, 買一對好多人都有的結婚戒指?!

豪d唔緊要, 但唔係豪俾個牌子, 係應該豪俾自己, 例如去度蜜月啦, haha

同埋我覺得以同一個價錢, 在其他牌子中都可以買到更好的質素及款式

所以一早剔除了呢d名牌

 

跟住都有去睇過PN, 呢個好多結婚的人都知道的戒指品牌

我對佢有好大期望, 因為男朋友唔鍾意有鑽石款式, 我就覺得女仔有石靚D

知道PN有好多呢D款, 款式亦young d

可惜睇過後, 無令我地鍾情的款式, 感覺無咩特別

 

結果在呢個咁有紀念價值的一日, 食完晚飯後, 決定在旺角彌敦道掃金行

去左周大福、六福、周生生、謝瑞麟

周大福都睇啱一個款, 男朋友貫切佢的性格, 已經想唔睇其他即刻買

我話睇多兩間啦, 佢話只能睇多一間

跟住去埋六福, 結果睇到一款更鍾意的, 呢對真係好合心水

18k鑲鑽, 女仔幼身, 有一排石, 排石係凸起的; 男仔無石, 粗身, 配合番我的戒指中間凹入去, 有令身及磨沙面, 啱晒男朋友的要求

價錢合乎budget, 亦有好大議價空間, 我地起一起身, 又平幾百...

雖然已經想買, 但我話既然睇啱, 唔爭在睇埋周生生啦, 俾個機會自己, 男朋友又肯喎, hehe

睇完周生生, 雖然款式唔啱, 但令我地知多左純鉑金、pt 950同18k的好處壞處, 令我地買到一對更合心水的戒指

離開時疊埋心水返去六福, 經過TSL時, 我話不如睇埋啦, 男朋友又點頭, haha

結果在呢度竟然遇到我地的結婚戒指

佢無六福的浮誇, 只係好簡單的款式

女仔有兩粒好細的鑽石, 男的咩都無

雖然款式好簡單, 但唔知點解一戴上手, 已經情感自禁咁話好靚呀

同埋戴上手好舒服, 係戴六福果對無的感覺, 好覺得"係佢喇"!

不過要冷靜下, 因為係pt 950, 價錢比六福的貴$2000, 同埋款式真係好簡單

同男朋友考慮左一陣, sales肯俾8折我地, 免費刻名+日子(我覺得本來就係免費), 加上同個sales幾好傾, 就決定買喇~

買完都有諗會唔會後悔, 但諗諗下六福的太浮誇, 我都係鍾意平實款

加上戴上手真係有唔捨得除落黎的感覺, 所以覺得決定無錯

真係好開心, 我地兩個都開心到唔識形容

估唔到買完結婚戒指係咁的感覺

尋晚仲開心到瞓唔著

5/10就有得攞對戒指喇!

紅豆婚紗 - 校對煩惱

我地的紅豆婚紗相有兩本相簿
一本係包套的15吋純滿版(無美編), 即係每版一張相, 填滿整頁, 無任何設計
另一本白色水晶本就會加美編
收到第一校稿後, 開始煩惱究竟相片點排好
白色有美編那本問題不大, 只需將照片次序調一調, 我們都係喜歡跟場景及衣服排序
但15吋的就有d頭痛, 呢本相簿的size係12 x15"
當時揀相時rex問我們, 如果係橫相的話, 我們想打直還是打橫睇
如果打直睇的話, 好處是照片次序可隨意決定, 賓客睇相時, 不用將相簿打橫黎睇, 較為方便
但壞處是相片上下就會留有白色空位, 橫相的size會較直相細, 做唔到真正的純滿版, 好像唔係咁好睇
但如果打橫印的話, 便要先印直的, 再印橫的, 咁照片次序未必會合心水, 但好處係每張相真係放到最大, 睇得清清楚楚
我跟男朋友當時揀了打直印, 因為怕唔跟次序唔好看, 同埋怕要打橫睇相會麻煩
但當收到第一校稿後, 發現15吋的相簿中, 有2/3的相都係橫相, 如果跟隨最初的意願打直睇, 就有好多頁都要留白邊
咁樣真係唔太好睇, 同埋感覺唔太抵
如果真係改到打橫印, 次序上會有d問題, 中間無端端zip左兩張唔同場景的, 但問題無當初相像咁大
我係度諗: 其實本相簿都係結婚當日先有人睇, 屋企人最多睇一兩次, 其餘時間應該只得我同男朋友會睇(主要係我)
最終唔打直印, 都唔算好唔方便啫?!
就算有兩張無端端zip係中間, 都唔算好怪啫?!
一直十五十六, 拿唔定主意, 究竟打直定打橫印好呢?

題外話:
中秋節果晚同親戚bbq, 大家一齊睇呢輯婚紗相, 咁多人睇住, 真係有d尷尬
好彩大家都話好靚, 好開心。當佢地見到部分造型時都幾驚訝, 因為唔似我平時, haha
其實果d造型都係出乎我意料之外, 不過咁樣就好喇, 一輯婚紗相有不同的風格, 先有變化, 如果係平時的造型, 留返平時影相咪得囉

紅豆婚紗 - 第一校稿

今日在公司一直期待快D到下午

到三點時仲未收到

到三點九再login, 發現二十分鐘前已經send左黎喇

好準時, 好開心呀

不過在公司唔能夠咁張揚

唯有靜靜地開少少黎睇, 好想清楚d呀

睇黎返去要同男朋友詳細研究排版有無問題

同埋睇唔太清究竟執相有無問題

嗯....黎緊要花d時間

男朋友爸爸媽咪話點解我地的相無一張大頭

我同男朋友先發現, 我地揀左好多好有意境的相, 即係景大人物小, 或者半身, 大頭真係得幾張

我地覺得, 如果係為左影大頭, 唔使去到台灣影, 去台灣都係想影景, 同埋欣賞紅豆的攝影技巧

我記得rex幫我地影左幾張大頭相, 影果時佢話係專登影俾爸爸媽媽睇的

唯有等160張相soft copy寄到香港, 再曬俾佢地睇啦

不過咁都令我重新考慮, 係咪要用酒樓送的coupon, 去羅浮宮或法國婚紗影一輯傳統的, 去滿足父母的心意, 但我唔想用咁多錢...

 

揀相果時紅豆講過唔可以將有美編的相post出黎

咁咪分享唔到d相囉

期待

期待已夠的紅豆婚紗相

應該等多三日就有喇

希望真係準時唔會遲啦

我同男朋友都等得好心急呀

如果執得好, 一次過搞掂就perfect

準度好慢

睇其他JM的blog, 見到人地樣樣都好有準備咁

有d比我遲結婚的, 已經confirm左gowns, 褂, 婚禮攝影, etc

但自己自從book左酒席後, 只係confirm左mua同影左婚紗相(仲要係因為轉工先提早影= =)

睇婚紗只係好求其咁睇左一次, 其他咩都未做

仲有一年就到big day, 好似仲有好多時間, 又好似好快

啱啱轉左工, 要適應環境, 無咩心機真係落手搞結婚野, 仲有買樓呢個大工程

十萬樣野要顧, 同男朋友要夾到一齊放假都唔容易...唉

黎緊最想完成的係:

1. gown searching

2. 婚禮攝影

3. 場地佈置hold日子

4. 睇樓

 

紅豆婚紗 - 小小分享(私有化)

影相果日, 行程好緊湊

雖然紅豆可以側影, 我都有帶相機

但我同男朋友都無意識去拎出黎影相

而家後悔都無用喇

好彩男朋友有用IPHONE影左幾張相

呢幾張相好寶貴架, 可以在等相呢段日子用黎止渴

sasa同欣怡幫我set緊頭, 呢個係第一個造型

呢個係我專登帶過去台灣的絲花球, 係幫襯ally架, 好靚~(http://hk.myblog.yahoo.com/aandwco)

其實到時搵紅豆帶你地去買都得, 仲好平tim

但我當初怕我地影相的日子咁熱, 鮮花好快謝, 到下午時可能已經唔好睇

所以帶絲花去, 由香港拎去台灣再拎返黎都幾麻煩

怕麻煩的記住可以到時買喇^^

呢個係泰安車站其中一張相, 見到rex同阿宏

呢個係花海的造型, 其實我唔鍾意公主feel的裙, 即是他們口中的「蓬蓬裙」

我都係鍾情a-line...

但呢件出到黎個效果係出乎意料地好好, 個個朋友見到都話好靚

不過講真, 我都好鍾意, 證明紅豆的禮服真係唔錯~~

呢d相真係唔夠喉, 希望快d收到製成品啦