由細到大都由佢自由生長
最多見髮尾同耳仔位置長左幫佢修一修
前面執蔭更加唔敢郁佢
之前都諗過帶佢去髮型屋剪
一黎唔知邊度有專幫小朋友剪的salon
二黎剪一剪百幾蚊好似唔抵
所以都係自己動手
早排係fb見到呢部剪髮機好似好受歡迎
又話可以剪到自然髮型
心思思買左部返黎
尋晚試用真係幾易操作
可以剪到齊腳或碎腳效果
雖然係碎腳效果，但都係偏向齊齊地
見用得幾順手膽粗粗剪埋諵b前面啲陰
點知重手左
變左薯嘜頭
屋企人安慰我話係每個小朋友必經階段
下次都係小心啲慢慢剪 haha
2015年5月4日 星期一
諵b 19-20個月
18個半月時返左健康院
姑娘話發展好OK
4歲先要再返去喇!
高: 自己度86cm
重: 10.46kg
keep住做中碼b, 最緊要健康
大小肌肉發展
已經可以跑
平日去公園最鍾意追雀仔
行樓梯如果唔太高的梯級可以唔使扶
sir滑梯、爬高爬低都無問題
說話發展
基本上大人講咩佢都跟到口水尾
有時真係好搞笑架~
當然大人衝口而出講左d唔太好的說話佢都有跟啦
例如果日老公講: 作死你喇
諵b即刻跟佢口水尾
真係要小心說話呀!
平日睇書睇得多生果、動物
好多佢都認得
我地多數中英都講一次
佢會揀容易d果個發音黎跟
大部分都係講番中文
食方面好鍾意有咬感的食物
鍾意食肉
菜要食爽口例如生菜、菜芯莖部
咩都食, 食飯好左
前排食幾啖就唔肯食
而家可以食番一碗
我地都俾佢食大人野
出去食野會過水
唔太重味或咸都會俾佢試
破例咬漢堡包
識得叫poo poo
未識講wee wee
我都唔急, 等佢再ready多d先
想買個廁板等佢學係廁所poo poo
愛上巧虎
每日都要睇一次DVD
一話睇巧虎咩都得
亦係媽媽我難得的free time
我遲左訂, 好多巧虎教既野佢已經識
不過可以靠巧虎加深佢印象或者改善佢的認知
我都贊成訂架~
近來成日扭計要玩
夠鐘瞓覺都不停話要落床
「要玩呀、要睇書呀...」
越黎越心野
又識發忟憎扭計
一發脾氣仲學識講打媽媽
我地覺得佢某程度係貪得意
而家一講就俾我地罰企同要say sorry
慢慢都有d改善
近來鍾意玩樂器
睇peppa pig後學識彈琴
丈公又俾佢睇彈琴video
對手成日扮彈琴咁
自從流感高峰期停左返pg
Mama順理成章試下報音樂pg
音樂pg選擇唔多
搵左柏斯或通利二選一
近屋企係重要考慮之一
最後等到同區通利開班就報左名
5月尾夠人先開班
預左都未必有用
志在上下堂玩下
玩煮飯都係佢最愛
之前去公園會因為其他小朋友玩同一樣野推人或者唔俾人玩
而家學識左排隊等候
見其他小朋友玩緊會企係後面排隊
如果自己玩緊時其他小朋友埋黎
佢都有d防衛意識但起碼無推人
咁樣都係好事, 起碼唔會俾人蝦但又唔好蝦人XD
之前好怕佢變左果D打人爭野玩的小朋友
而家見佢學識排隊真係好感恩 haha
訂閱：
文章 (Atom)