搬屋喇！

好唔捨得yahoo blog
希望轉左去其他地方都可以睇到大家的分享
繼續keep contact啦!

http://loadingyan.blogspot.hk/

37W6D 生左小b喇！

30 Aug 2013

經過失眠的一晚
朝早醫生黎巡房
遇番尋日檢查的醫生，見到我就話可以安排催生喇
不過要等產房有位

晏晝老公黎探我
當時仲未知幾時落產房
點知臨完探病時間突然話有位可以落去
老公就幫手執埋野下一齊落地庫1樓

落到去仲有5分鐘完探病時間
姑娘俾老公陪多我一陣

12：45有人黎幫我人手穿水
開頭都好驚，但原來比起尋日伸手入去
人手穿水係無野
穿左水過多半個鐘就吊催生藥喇
姑娘俾定啲止痛方法我睇
政府咁啱公布左30號有番笑氣
點知原來仲未ready>.<

落左藥一陣反應開始黎
開頭係好輕微m痛
會駁機check住bb心跳同埋陣痛頻率
姑娘見痛得唔算勁就加重藥力

瑪嘉烈的助產士真係幾好
之前我係助產士小組
佢地會認得我個名
我話可惜我已經唔係喇
佢仲安慰我話唔緊要啦，返黎又係見番佢地

加重藥力後開始痛
問左姑娘拎電流貼
可以減輕初期的陣痛
會係背脊貼4埋電貼，每痛就禁一下
可以自己加強力度

不過後來越黎越痛開姑頂唔順就想打止痛針
可以打2次，隔3個鐘打一支
我仲問姑娘而家打會唔會太早
驚之後有排痛無其他止痛方法
後來都係打左一支，但作用唔大，只係令人好眼瞓

當時痛到咩止痛方法都想做
更加後悔點解唔開刀，當然生完後諗番梗係順產好
同姑娘講想做無痛分娩，點知話得一個quota
已經俾左另一個媽媽，嗰刻真係想喊
想打多支止痛針又未夠鐘

當時真係全靠呼吸法捱過每個陣痛
當唔痛時先可以同老公、細妹講兩句
嗰種痛真係超越極限，畢生難忘

老公走左後越黎越痛
突然痛到感覺到好想痾
同姑娘講話頂唔順好痛
姑娘望一望鐘話好啦，夠4個鐘可以check下
一check之下原來開左8度
姑娘都唔信，話好犀利由宮頸未鬆到開左8度咁快
每一下陣痛都好想痾
姑娘終於話俾我試下生，叫我用力
用左一下力佢話ok喇, 可以生喇, 即刻鬆一口氣終於唔使忍

同姑娘講老公會陪產, 而家係外面
姑娘叫我講老公電話幫我打俾佢
點知一開始個姐姐仲要唔識用個電話...
已經好痛好想生仲要忍住
到通左姑娘同老公講話我生得
點知老公話佢去左葵芳
我即刻o咀, 又話係門口?!
點知後來姑娘話老公唔陪得
因為bb輕要有兒科醫生在場唔可以咁多人
好彩咋, 如果唔係怨我老公一世

跟住姑娘的指示一痛就用力痾
痾左2下姑娘話已經見到bb頭髮喇
再痾多1下話出膊頭喇
當出膊頭時就feel到姑娘剪左一下
跟住姑娘話閉氣一次過用力痾多一下
bb就出世喇!

一出世喊到好大聲
姑娘話輕驚bb血糖低要餵一餐奶粉
跟住俾bb我錫左一啖, 就推出去俾老公望喇
bb一包左被就即刻唔喊, 眼仔碌碌周圍望
my lovely baby