周末喇!!

期待期待又期待, 終於黎到星期六喇~

點解咁期待?!

因為上星期六日都要返工, 無得好好休息, 即係連續返左12日工, 好累

加埋男朋友返左內地3個星期, 隨著亞運閉幕, 佢星期日終於都返黎喇

無佢係身邊, 日子過得好單調

可以約朋友食飯, 但朋友都有野做, 唔理得你幾多日

不過亦因為男朋友唔係度, 我連返12日工都無所謂, 因為無街去嘛

而家佢終於返黎喇

佢離開呢段時間好似發生左好多野, 諗起層樓的按揭就煩

Blurb~

Blurb的工作效率真係好快呀

20號落單印書, 24號已經製作完成出貨喇

因為用economy, 所以唔能夠check件貨的運送進度

希望安安全全抵達啦~

唔知要等幾耐先到屋企呢?!

Order Number:	1321121
Order Date:	20 Nov 2010
Order Status:	Shipped
Shipped On:	24 Nov 2010
Shipping Method:	Economy

隨想

呢排男朋友去左廣州做亞運, 變到好得閒

佢又好忙, 每日只得一個電話, 好快就要收線

如果無轉工, 我都好想去做亞運, 雖然辛苦, 但機會難得嘛, 上次北京奧運已經miss左...

自從買左樓後, 心情好似坐過山車咁, 但只能夠收係心, 無機會同男朋友分享

好彩而家無事喇

由開頭好擔心, 到諗通左變到好開心, 而家就好期待收樓, 到時可以同男朋友一齊設計我們的家

我地買左樓無耐, 政府就出招打擊炒樓, 果刻都有驚過買貴樓, 或者其實可以買到更好的樓

不過再諗深D, 都已經買左無得返轉頭, 同埋而家供得輕鬆, 唔使做樓奴, 已經好好。 加上買呢層樓, 另一個原因係留番媽咪第時收租, 所以只要供得起, 貴少少都OK既

一諗到只要有個安樂窩, 在外面風吹雨打都唔怕啦

*******************

趁住呢排得閒, 又收到紅豆的相喇, 就埋頭整photobook喇~

呢本photobook會擺係自己同男朋友屋企, 俾媽咪拎俾親戚朋友睇, 又或者自己拎俾朋友睇下

最後揀左用blurb,因為價錢最平, haha

個software好易用呀, 用左兩晚時間就排好左, total 64版, 擺晒可以擺的相入去

揀左hardcover imagewrap, premium paper, 一本lustre一本matte, 可以比較下效果邊款好d

26/11前blurb會有8折, 差唔多等如免運費, 好抵呀, 埋單唔使$700, 預計30/11可以寄到黎, 好期待呀, 希望唔會排得好樣衰啦

收到喇!!

等到頸都長(其實只係等左兩個半月, 比其他婚紗相公司已經係好快), 終於收到相喇!!

星期一收到fedex電話, 可惜無人係屋企收件, 改做今晚收

收工去左個飯局, 返到屋企就見到佢擺左係廳中間

個箱痴到好實呀, 要搵爸爸出手

打開佢, 見到包得好安全的相簿

裡面有我最愛的婚紗照

先係十吋相架, 比相像中大喎...而家睇返,其實係咪應該揀張大頭相呢?!

包套的相簿, 我地無加錢轉其他款, 呢款都好靚呀...不過睇上去好似大本左既

又係有個疑問, 點解會揀呢張封面相呢? !

仲有最愛的白色相簿, 真係好靚呀, 封面的水晶, 仲有封底的花紋, 靚爆

呢張封面就好滿意喇!!

最後當然唔少得珍貴的光碟, 裡面有齊160張相架!!

逐張睇下, 有d相依然係咁靚....有d會奇怪點解無揀入相簿, 有d又會奇怪點解rex會揀佢入160張best shots...

CD封面有少少...DD...丁丁"娘"啦...haha

同埋點解揀呢張相印係CD面呢, 我隻手....唔知想點, haha

真係好鍾意 

重大決定

嗯.....終於買左樓喇

其實係我同媽咪決定, 男朋友係內地做野返唔到黎

只係睇左一次, 好快就決定左

好似好急, 但我媽咪係果種考慮得好清楚的人

佢都話好, 我會信佢

希望男朋友無問題啦

咁就做左業主, 個感覺好唔自在

既開心有自己屋企, 終於settle左最煩的事

另一方面好似好多野要擔心, 究竟按揭有無問題呢; 估價足唔足呢; 又要儲錢結婚又要供樓支出好大呢

好彩呢層樓價錢平d, 負擔輕好多

唉, 希望一月中收樓順順利利喇

upload左喇!

我成日吼住紅豆網站的相簿, 睇下幾時會有我的相

等呀等, 一直都未等到

以為要到相簿寄出之後先會upload

今日心血來潮, 睇埋相簿的第二頁同第三頁

發現原來upload左喇!!

原來唔係順時序架, 我真係笨, haha

又可以睇多幾張止一止渴

而家再睇番, 發現有幾張點解自己無揀呢, 明明好靚架喎

好彩可以拎番160張soft copy啫

真係唔整photobook唔得'

http://www.wretch.cc/album/album.php?id=redbean88&book=39

Photobook

紅豆的相仲有一個星期就寄到喇

雖然係紅豆已經加左一本相簿, 但有成160張相, 仲有100張可以整相簿呢

加上又想各自整一本俾我地父母留念, 所以開始密謀整photobook

本來諗住係星輝整, 近排睇多d, 發現原來台灣同外國都有好多整photobook的網站

質素仲好似唔錯tim

(1) Shutterfly

呢個係美國的印刷公司, 之前幫襯佢印左本芝麻街兒童圖書, 可以key小朋友個頭入去做故事主角架, 好得意, 質素都唔錯

但有少少不愉快經歷, 因為寄黎香港時寄失左, 再寄第二次又等左好耐, 以為又寄失, 最終隔左兩個月先收到本書, 本來想退錢喇, 對方不斷叫我等多幾日, 係都唔肯退

同埋customer service跟進唔太好, 每次唔同人, 好似唔知你之前發生過咩事咁, 叫佢睇番record又好似咩都唔知, 想叫佢跟進下速遞公司, 究竟件貨去到邊度, 佢地又好似無方法聯絡對方, 好奇怪。同埋始終英文溝通無中文咁方便

間中都會收到佢地的promotion, 有唔同優惠, 尋日收到over US30可以free shipping, 同埋有30% off, 都幾抵

http://www.shutterfly.com/photo-books?cta_PF=1&CID=FOC_110810

(2) Hypo

係其他blogger度見度呢間公司, 好impressive

因為佢的設計好簡約, 係無印feel, 真係好靚呢~~

佢仲有好特別的ticket size, 12 x 12的平方size及16:9的photobook, 好吸引呀!!

不過價錢就較貴, 同埋size較細, 用黎送禮一流, 自用的實用性無咁高

好心動想整一本同男朋友的拍拖經歷紀念冊

(3) 台灣正點影像

網上評論指呢間公司平靚正, software簡單易用, 服務好, 又係好吸引

始終遇到問題, 中文溝通容易又快d解決嘛

(4) Blurb

最後就係呢間外國公司喇, 又係人氣photobook公司

身邊好多朋友都用呢間, 間中都會有promotion

不過我啱啱先登記做會員, 未知幾時有優惠~

***********************

而家仲未諗定用邊間, 可能blurb整一本, 正點整一本

hypo就好想整ticket果款

但係要搵番d舊相真係好大工程

仲有我對排版零認識, 睇黎有排搞

生日求婚記(private)

雖然定左婚期, 但其實男朋友一直未求婚

我成日有意無意提佢...一定要求婚架; 做少少野都要架; 一世人一次要做架

我呢個男朋友好粗心大意, 佢唔識好似其他人咁

花好多心思氹我, 所以我唔講, 佢真係唔會做架

好可憐, 要自己開口

**********************

今次係我的 last single birthday, 男朋友前一晚特登安排佢同我的好朋友一齊食飯

仲有驚喜Haagen Dazs蛋糕

一班人慶祝生日真係好開心!

第二日正日生日, 今年啱啱轉左工

唔可以好似以前咁free生日放假喇

唯有等放工先去食飯啦, 好彩平平安安過左一日

終於等到收工, 男朋友接我去赤柱食飯

最後就係求婚環節喇, 過程留番少少回憶俾自己, 總之就好好好開心啦!

黃玫瑰好好好靚呀!!愛不釋手!!

THANKS MY LOVE

後記：男朋友話原本諗住係銅鑼灣或尖沙咀鬧市求婚, 最後被我朋友阻止...因為我朋友驚我唔鍾意係咁多人面前做呢d野, 不過諗番轉頭, 在鬧市求婚都好好玩呀, haha