踏入最後一個月, 仲有1個星期37w就算足月喇!
整個懷孕期可謂得到眷顧, 輕輕鬆鬆
時間先過得咁快
記得:驗到懷孕 心情既驚又喜等過3個月 無咩害喜, 只係渴睡, 時間過得好慢12週驗完唐氏 放低第一塊大石20週照完結構 放低第二塊石頭20-28週 簡直以為自己無懷孕咁, 超級蜜月期踏入28週 突然覺得時間點解過得咁快踏入30週 懷孕初期攰&眼瞓的感覺返番黎踏入32週 開始好唔捨得bb踏入36週 感覺迫到埋身, 既唔捨得又好期待
整個懷孕期40週, 好似好長, 其實當你身處其中, 真係過得好快人地話, bb出世後時間過得仲快人就係咁矛盾, 又想bb快高長大, 又唔捨得佢大得咁快呢種心情懷孕期已經感覺到最唔捨得bb胎動感覺出左世後無得再自由自在周圍去無左二人世界, 無左旅行, 無左好多人生樂趣但多左的係另一個世界, 多左個人仔陪自己旅行可以再去, 人生樂趣可以重拾但bb帶黎的歡樂, 係無其他野可以代替
小b未出世, 我未體會到但好希望呢個都係我的心情寫照
小b係我同老公的心血結晶呢段懷孕期, 老公盡力保護同愛錫我過程未必做得完美, 但我知道佢的心意希望日後小b爸爸繼續守護我, 仲有小b
咁耐以黎都無同各位姨姨見過面, 因為我怕羞左邊係我6個月時, 右邊已經係7個月喇每次影相我都係痴埋胎盤度, 俾個37面人睇, 我覺得咁樣靚仔d 媽媽每次見到呢張相都問, 點解只係1個月我個樣變左咁多由鼻尖尖變左大鼻仔 ; 由薄咀唇變左孖潤腸我都唔知點解, 呢d唔到我控制不過我知道無論變咩樣, 媽咪爸爸都係咁錫我
養兒100歲, 長憂99希望bb精乖伶俐, 聽教聽話, 係我地屋企成長得健康快樂
BB車係最遲confirm的一個項目老公話bb有排未坐, 唔使咁早買有人亦建議等bb出世後帶佢試坐先決定開頭都諗住遲d買, 但唔鍾意拖住d事未做的感覺成日想早d決定埋加上滿月後其實已經可以帶bb出街雖然可以抱, 但到時有架車仔唔想抱可以多個選擇
睇黎睇去, 開頭target日本車離不開因為輕同可以雙向Combi最多人用, 價錢實惠但款真係唔太trendy, 要揀都可以勉強揀架深色
跟住target Aprica, 同樣係日本車款式好好多, 睇中佢架680波點款好鍾意架, 但老公話男仔用波點好似怪怪地仲要佢咁大個男人推住呢架車出街, 唔係好想但我真係好鍾意, 周圍格價最平係愛嬰紡$2,900但其實以日本車黎講就唔係好抵
始終日本車sell輕身, 另一面就係無咁穩陣由於轆細, 推起上黎自然感覺輕飄飄, 同埋無咁流暢有d款甚至鎖左轆, 都好似會推得郁咁, 唔太安全
再睇番一開始驚重的歐洲車比較多人用係Peg Perego
P3好多媽媽大讚, bb坐得好安全座位闊落唔使驚bb唔舒服但對我黎講真係太重我地無車, 自己帶bb出街好吃力有唔少媽媽話用耐左手痛, 要轉細車, 所以唔考慮
退而考慮係較輕身的SI, 但都有7.5kg老公試推過讚不絕口, 話日本車真係無得比價錢同Aprica 680差唔多, 但穩陣流暢好多鋼水完全唔同, 學sales話齋大人買車日本同歐洲車價錢差唔多, 都買歐洲車啦
最後決定買SI跟住上網格價, 知道海外運黎會平d但唔知點解外國好似斷貨, 好多代購都無賣/無貨搵到一個外國網, 但運到黎香港都要$2,6xx吉之島折左都係$2,9xx, 只差$300但外國運到黎有問題真係唔知點處理加上後來問到細妹識人再平d, $27xx就買到所以直接係吉之島買喇
最鍾意係牛仔布色, 但要去專門店訂吉之島得紅或湖水藍色, 有暗紋最後揀左湖水藍
9月先送貨
呢次檢查真係令我一殼眼淚, 喊左成日...
自從上次作早產入院, 事隔3個星期覺得呢段期間個肚好似無咩大, 個人胃口又細左果然去到私家診所一磅重, 竟然輕左差唔多2磅雖然話未食早餐, 但無可能輕咁多呢個時間應該每個星期重大約1磅, 即係應該重3磅而家輕左2磅, 前後少左5磅, 心知不妙已經好擔心入到房醫生一照話胎水少bb細左, 頭肚腳都唔夠再話個肚細即刻忍唔住眼紅, 超級擔心醫生話要多d休息胎水先會多番每日收工返到屋企就瞓床唔使真係瞓, 可以瞓係度睇電視睇書唔好操勞, 有咩俾晒老公做一出醫生房已經忍唔住喊平伏左少少心情去食lunch到下午去瑪嘉烈見助產士姑娘佢度肚時我問佢細唔細, 佢話係偏細, 大約32-33週肚佢都估我個b係細隻b我同佢講今朝私家的檢查, 俾埋張超聲波佢睇佢話頭同腳都還可以, 肚就差得比較多, 會安排我見醫生助產士問左醫生意見後
安排我照超聲波睇下胎水同臍帶血流量胎水真係偏少, 擲界...好彩臍帶血流量正常跟住話我之前作早產再加埋今次胎細唔可以再由助產士跟, 要俾番醫生, 踢左我出助產士小組>"<再安排左2星期後返醫院聽半個鐘bb心跳, 再見醫生覆診之前咁多次檢查, bb都好乖好正常, 從來唔使我擔心懷孕咁耐以黎無出現過驚嚇事bb又錫住自己, 無嘔無唔舒服以為到左後期更加穩定唔使驚樣樣都放鬆左, 無日日飲奶, 只係間中食蛋諗番自己過去呢3個星期, 工作上有好大轉變每日一張開眼就諗, 心情煩左好多, 日日忐忑不安, 食量亦少左亦令心情去晒工作度, bb應該感覺到再加埋恃住自己仲係輕盈, 想趁bb未出世去多d街成日去呢度o個度, 無好好休息, 令到bb咁樣, 好內疚黎緊呢幾個星期要谷番bb每日飲3支/包奶, 食烚蛋唔肚餓都迫自己食多d野, 等自己重d希望追得幾多得幾多亦希望bb加油, 出世大隻d, 健康d
呢個item一早target要買因為bb床放係房, 唔方便推出廳有左high chair, 親戚朋友上黎探bb就好方便平時係屋企bb可以o係廳瞓high chair, 方便睇住佢主力睇aprica, combi同peg perego(1) Peg Perego Tatamia好鍾意佢的外型, 好型仔歐洲牌子係唔同d坐位係皮, 有盪鞦韆功能, 收埋比較細部, 價錢貴d不過有一大缺點, 佢最平的角度初生唔啱瞓最快要4-5個月先用得, 所以唔可以考慮
2) Combi選擇唔多, 主要有2款
Rashule平d, 坐位闊落, 4輪360轉向
缺點無初生墊, 摸過好似好硬, 唔太啱初生bb瞓Roanju有初生墊, 實正會上面果部
旁邊有個盒擺尿片、濕紙巾對我黎講用處唔大, 多舊野反而阻位左
呢部感覺唔錯, 價錢比aprica 625再貴幾百蚊
(3) Aprica呢個都係我好鍾意的牌子聽講係日本皇室御用, 信心保證bb車仔都曾經係target之一high chair主要睇589同625兩個款589 優點: 平d, 波點款, 身邊好多朋友都用佢缺點: 唔可以4輪360度轉向, 無初生腳套, 坐位窄d, 食物盤細d(但慳位d)625 優點: 可4輪360轉, 油壓升降, 有腳套(用的時間未必長, 不過bb出世無耐就係冬天, 啱晒)缺點: 食物盤大d(但阻位d)呢兩個型號相差$700, 諗左好耐買邊款589細d慳位, 但用料質素無咁好不過平d成本低d, 萬一bb大d唔肯坐都無咁肉痛最後去吉之島試實物
老公話625感覺實正好多, 油壓升降亦較穩陣諗諗下只係相差幾百蚊, 都係買部穩陣的好最後決定: Aprica 625
原本打算係愛嬰紡買
後來發現荃灣有間賣bb野做緊暑假優惠
可以再平多$100
3/8(六)
一年一度最大型的bb展其實小b需要o既o野已經準備得7788, 只欠濕碎o野不過想去湊一湊熱鬧, 所以即使病住都去行活動前美贊臣寄了兩張免費入場券到場又可以換優惠小冊子, 慳左幾十蚊由1點半行到4點半, 行左3個鐘邊行邊排隊換禮物, 好彩多數都有用買野最抵應該係尿片同奶粉可惜2樣我都唔需要最後收穫有元氣媽咪哺乳枕可以變成香蕉枕瞓覺攬住瞓(用過真係幾舒服, 好好攬)等小b出世可以餵奶用再大d俾佢學坐時又可以用bb展係見過最平的價錢 $269另一樣買的係白元退熱貼 $20係詩思樂買野+錢換, 其他媽媽話好抵, 出面無咁平bb打針後好大機會發燒, 一定用得著, 買定無壞一盒6片, 每次發燒差唔多要用一盒(除左貼額頭, 仲會貼o係身)加上2016年先到期, 買左10盒一次過買晒成年的用量好多counter都無行一黎需要唔大, 二黎真係好多人人多車仔多, 唔係人人都會小心大肚婆, 好易撞到加上自己越行越唔舒服所以收穫唔算多, 最想要的奶粉格無拎到
呢排慢慢執好d櫃分類擺bb野廚櫃執左2格擺奶樽奶粉samplebb衫櫃桶抹乾淨, 去ikea買埋d分格就搞掂
之前放假但落雨一直無機會洗bb衫尋日星期日見天氣好好終於的起心肝洗bb衫唔覺唔覺自己買左好多衫仔俾bb好彩係男仔, 如果係女仔應該仲多除左自己買的, 仲有細妹同朋友俾的真係有好多加埋床圍床單、包被、睡袋、紗巾、口水肩要分好多機洗, 所以早d開始自己無心機全部手洗
同埋驚手洗唔乾淨, 所以大部分會機洗
33w去左影大肚相喇~
個肚唔夠大, 但怕再遲d影個人會腫
都係寧願個肚細少少, 起碼個人影出黎好睇d
諗過影外景, 感覺好自然但被老公ban左, 驚我熱同辛苦睇左幾間比較受歡迎的studio公司最後揀左picsmile除左因為見其他媽媽影得靚, 個feel好warm之外佢的studio係荃灣都係我一個考慮因素
諗住大肚相都係為左留念, 貴精不貴多換多幾套衫意義唔大, 所以join左最basic的packagepackage包20張相, 影1個鐘可以換3套衫有朋友refer多5張相, 閒日去影仲會有折搵埋picsmile介紹的化妝師+$600
影1個鐘真係啱啱好, 個人唔會太攰
化妝唔錯呀, 朋友睇到老公偷影的相話妝有少少濃
不過攝師師打晒燈又唔同, 要睇實物相先知因為自己型唔起, 所以唔揀黑色背景同飄紗o個類style都係白色、自自然然的啱我studio唔大但所有佈置都好warm, 我好鍾意影到最後一套衫老公先記得可以偷影所以得幾張止下渴要等2個星期先揀相好期待呀!
準備左3套衫:第1套: 白色top + studio提供白色長紗裙掙扎過露唔露肚, 最後驚唔露會後悔所以揀左呢個最穩陣造型最擔心呢個造型出黎唔知靚唔靚第2套: 黑色family teeo係淘寶買左3件tee, 一人一件bb o個件用黎做道具, 又可以留番bb出世時再著去影家庭照感覺有個連貫性, 好似特別d、有意義d不過t-shirt唔係好現肚 第3套: 粉色長裙咁啱淘寶見到, 覺得隻色好soft好啱影大肚相, 生完可以著番係日本原單, it都有呢個牌子, 實物質料very good得1千零1條, 即刻買左效果真係幾好, 係我想要的soft感覺
道具只係帶左2樣, 有michael jordan襪仔係fb美國代購買, 老公平時唔肯買bb d衫仔, 覺得有同夠著就ok但佢指明michael jordan的bb野可以買, 呢對襪仔佢好鍾意另外一樣就係elmo玩具, 會有鈴鈴聲係我買俾bb既第一件玩具
希望執好的相效果ok la~其實好想老公同自己去影一輯外景相如果可以影到就真係心滿意足喇!