諵B 7個月大
已經唔再似BB開始變成一個小朋友仔喇
仲有最明顯成長的地方係學識扭。計!
諵B由細到大都算係一個乖小朋友
唔會無原因地扭計
平時都唔會蝦daddy mammy
不過越大開始識野
開始識得扭人陪佢
一消失係佢視線範圍就叫
要好好諗下點樣教育佢
下下要陪住佢真係唔得掂呀!
食
食左固體個幾月
已經食得好好喇
不過唔知係咪好多bb都係咁
諵B食到中途就會開始扭計
開頭以為佢唔鍾意困住係張bumbo seat
但抱起佢都係照扭
以為係餵得慢扭
試下餵快d, 可以安撫一陣但隔一陣又再扭
究竟扭咩呢?!
有時真係俾佢搞到成身都係
生果最鍾意係蕉同啤梨
搾過橙汁但只肯飲幾啖
試過拎住士多啤梨俾佢lam
發現呢個小朋友原來都好為食
會主動伸個頭向前不停lam
而家主要食粥仔
糊仔食左一包就無再食
所以其實有試用裝真係可以唔使特登買
糊仔主要係開頭俾bb試吞
食得好就可以轉粥仔
便便
無咩進展
都係2-3日先去一次
去之前會勁扭計同喊
不過食生果真係幫助好大
便便軟好多
我成日好驚諵B會因為痛而怕左便便
所以每次佢去完我都會望實佢讚佢好叻叻
佢就會好開心笑
希望佢唔會怕, 知道辛苦完有人錫番
反應
開始識伸手要人抱
其實我唔肯定佢係咪真係識
佢成日遞起雙手
如果你唔俾反應佢佢就會叫
有時其他人抱住佢
我伸開手話"mama抱抱"
佢又好似真係識放開手俾我抱
但有時又唔識喎
不過開始識扭抱就真
有時想人抱會叫到你抱佢為住
BB仔真係識野架
同埋諵B好早已經唔肯俾人打橫抱
係都要打直
試過想打橫佢自己會好似蜈蚣彈咁曲埋條腰要起番身
可以自由反身
反到跌出地墊, 但未識爬
試過放個玩具係前面, 佢好似識手腳郁下想去拎
但只成功過一兩次
本來好猶疑唔捨得買貴地墊
當見到佢每日只係困係張BB床攤係度瞓
想轉身都唔轉得自在時
我就狠下決心先斬後奏買左
老公一直都話太貴反對
但為左個囝, 捱鬧都要買 haha
快d送到諵B就有得用喇~~