自從confirm左RHP後, 真係期待又期待
約左星期六下午4時至6時試衫, 3點45分已經上到去
因為要睇相簿mark衫, 唔係唔夠試!!
主力睇婚紗、迎賓晚裝同敬酒晚裝
上次join package時睇到佢的黃色EG好靚, 諗住一件黃一件紅啱啱好
(1) 迎賓EG
mark相簿時逢係黃色都試, 試埋同款的西瓜紅
試晒咁多款, 試到我都覺得點解試極仲有...haha
可惜...我最鍾意的黃色太黃喇, sharp得滯唔襯我>"<
反而西瓜紅出乎意料地好評, 著得人好精神, 仲有魚尾(燈籠)款真係好靚
一開始覺得一定要揀魚尾款, 夠特別, 又難得著到, 但而家諗...迎賓會唔會唔襯呢
跟住試左件好多人都鍾意的tiffany blue及粉紅同款A-line EG, 好靚呀!!
著到條腰好瘦, 個cutting真係好好, 但朋友話對比西瓜紅, 粉紅唔夠精神呀
其實佢都有西瓜紅色, 但無時間試
所以先hold左西瓜紅魚尾(燈籠)款先, 下次再試A-line 果款!!
(2)敬酒EG
一定要揀紅色, 我鍾意傳統D~
再諗...咁多都係lace或紗, 我一定要揀最鍾意的satin!!
試左一條紅色雪紡, 好輕好舒服, 但唔鍾意個款
再試一款酒紅色satin a-line, 酒紅色又ok喎~~
時間所剩無多, hold左先, 其他紅色下次再試!!
(3) 婚紗
試左直身、a-line小拖尾、紗、lace
我竟然揀左件紗款, 真係諗都無諗過
但著出黎, 真係最鍾意, 好有新娘的台型...haha
但又擔心唔襯自己, 所以又係a-line之間掙扎
最終都係揀最鍾意的紗裙
下次男朋友一齊睇, 睇下佢鍾意邊款再決定!!
*********************************
後記:
試衫的時間原來好tight, 2個鐘真係2個鐘, 多少少都唔會
可能因為佢太多生意, 驚阻到下一個appointment
其實都ok既, 因為2個鐘都試到好多
同埋佢的衫好靚, 唔使擔心揀唔啱
不過女仔都係多心啦, 想試晒為止, 搵到最靚為止
雖然老闆娘好似好惡咁, 但佢應該係緊張衫多d
同埋sales好好人, 好好禮貌~
試完衫返屋企諗呀諗, 覺得好多款都未試
同埋要試下唔同色(今次只係集中黃、西瓜紅同紅色)
唔好咁保守, 俾多D機會自己~
