19W6D 胎動越黎越明顯喇!

自從17w開始感覺到小b係肚裡面撩下撩下之後
每日都會好期待呢種感覺
有時真係被佢撩到好痕
個感覺有d似被魚仔咬腳咁樣

近排開始少左呢種撩撩喇
開始時有d擔心, 以為小b唔郁
但有日返工時發現, 點解個肚好似突然頂左一下咁?!
個感覺唔識形容
第一次以為腸胃唔好條腸郁
但慢慢次數開始多時, 我估應該係小b的胎動喇, 個感覺真係好奇妙!

不過最明顯第一次肯定係佢郁, 係有一晚平瞓係床時
諗住用手禁住肚臍對下子宮位feel下佢心跳
點知突然頂左一下, 開頭以為又係腸郁(因為以前都試過)
再感受多2下, 就肯定係小b郁喇
即刻叫老公入黎, 小b再郁多2下, 老公終於feel到喇
好開心

而家有時開開下會, 做做下野都會feel到
唔知幾時會出現被小b踢到瞓唔到的日子

26.4.2013
夜晚臨瞓前又feel到小b郁, 即刻叫老公摸下, 我再叫小b踢下爸爸啦
小b真係踢左2下呀!
跟住o係床度聽聽下音樂, 我又摸下小b, 佢又郁喇
又叫老公摸下, 我再將佢隻手放係老公隻手上面
唔知係咪首音樂關係, 今次小b的心跳好勁, 連我隻手都feel到
仲要郁得再勁d, 好似由左至右咁郁, 好開心呀!
胎動的感覺真係好奇妙


下星期五就去做結構檢查喇
最終無揀到婦科醫生refer的, 揀左其他mama介紹
好期待, 希望小b乖乖生性, pass到呢關我就真係放下心頭大石喇

17W5D BB踢?!

11.4.2013(thur)
踏入17w, 知道好快可以feel到胎動喇
每日都好留意自己個肚, 究竟幾時會有第一下胎動
前一日已經覺得個肚了了下咁, 上網睇過應該係bb係度郁
已經覺得好開心, 感覺好得意

到尋晚臨瞓係床上玩ipad, 打側身個人俟住張床
玩玩下突然feel到有一下大力的踢, 比平時大力
果下好突然又好開心, 跟住好快有第二下細力d
即刻大聲叫係廳打緊機的老公入黎
老公開頭以為咩事, 仲係咁問
我話bb踢呀, 佢先即刻衝入黎
不過到佢摸住個肚時已經唔郁喇

原來胎動的感覺真係好奇妙架!
希望bb再大d時感覺更加實在
等我知道佢健康咁成長呀~~