世界盃熱潮

諵b mama我都曾經係個小球迷

中三時突然迷上英超

當年係曼聯全盛時期

碧咸、傑斯、尼維爾兄弟etc

萬人迷碧咸唔使講梗係我偶像

仲記得睇住佢地打敗拜仁拎三冠皇

真係難忘的回憶

當年世界盃都好迷

會半夜爬起身睇

仲好迷日本個守門員川口能活

(同中田英壽同期，不過中田唔係我杯茶)

隨住年紀越大

足球熱減退

而家的球星最出名都識

其他聽過個名未必認得到樣

不過話晒四年一度世界盃係盛事

總要俾諵b參與下

一早上定淘寶搵定波衫

其實mides都有出

質地一定好

不過諗住著下湊下熱鬧

熱潮過左可能唔再著

就打算平平地淘黎玩下

球衣小型fashion show黎喇！

第一件出場的係上屆皇者西班牙

全紅+金黃邊

設計無咩特別

但諵b著上身都唔錯喎

carry到鮮色

不過俾人話波牛上身，麻甩味十足

仲凸埋個肚腩出黎

第二件係德國隊

諵b baba話係因為靚而買

白撞黑都唔錯

幾型仔

最後出場係mama覺得最靚的阿根廷

粉藍直間好醒神

可惜只係買左夾衣

買連身有埋褲仔應該仲sharp醒

呢幾件球衣質地唔錯，係全棉

著番個零月都抵呀

早幾日9個月返健康院覆診時

仲引到姑娘讚型仔添 haha

諵b可以湊到世盃熱真係開心

bb著波衫同大個著2回事架

不過mama私心係唔想諵b踢波

Mama鍾意男仔打籃球

好似baba咁打羽毛球都唔錯

自組Playgroup 第一、二回

諵b好好彩

一出世已經識到一大班同年同月同日出世的朋友仔

超過30人咁多

全部媽媽又好nice

大家日日係whatsapp一齊傾育兒經

真係好好

最近有媽媽發起搞自組Playgroup

目的係俾班bb同同齡小朋友聚下交流下

每次由一位媽媽負責玩的活動

雖然唔係專業Playgroup

但可以俾bb碰下面見多啲其他小朋友已經好好

搞左2次活動都好開心！

呢個時期的bb未識交流

大家各有各玩

但有時又會玩埋同一個玩具

好搞笑架

第一堂學：

1. 教bb跟口型講爸媽

2. 用手仔拎星星餅練手指小肌肉

3. 教bb配合著衫仔

4. 俾bb單獨玩

第二堂學：

1. 雙手俾bb借力企起身

2. 指住自己或公仔教bb認五官

3. 教bb用匙食餅仔

4. 教bb拎同俾

雖然唔係專業教學

但諵b都學到唔少野

諵b未出世已經有朋友問我會唔會帶佢上Playgroup

我話會等佢大啲再決定

到諵b出左世

我都係覺得咁細個唔需要

不過而家開始大個

對周圍事物有認知

我覺得係時候俾佢試下

而家都開始物色緊屋企附近的playgroup俾佢上

自問唔識好有系統技巧咁教

出去上下堂了解下都好

對我都有得著

睇完人地上堂技巧

我返去同諵b玩時就知道點樣從遊戲中令諵b學習

諵b係細b

我都擔心返n班唔知應唔應付得黎

早啲習慣下都好

HiPP - 有機天然活泉水

BB踏入口腔期, 鍾意咩都擺入口
無論係自己的手仔, 玩具
總知到佢地手的物件都有機會放入口

屋企由諵B出現的一日開始
長期要預備大量熟水
一黎需要用黎沖奶粉
二黎抹面、抹手、抹pat pat、抹玩具
我都係用熟水
一諗到用生水抹諵b再擺入口就驚

收到HiPP呢支天然活泉水時好驚喜
原來BB都有礦泉水架喎!
之前聽過街外的礦泉水未必適合BB飲用
但係呢支活泉水就唔同
適合用黎沖奶、開糊仔或者直接俾BB飲





對我黎講, 呢支活泉水仲有一個好重要的用途
就係用黎抹玩具
真係好方便
直接擰開樽蓋倒水落棉花就得
有時諵B見我抹得耐又會嘈叫我快D俾個玩具佢玩

 

 

 

 

 

你睇下佢
抹完即刻擘大個口準備lam個玩具
點可以唔時時刻刻抹乾淨
有左呢支水就好方便喇

 

 

 

 

 

呢支活泉水仲有另一個好好的用處
就係可以帶去旅行
bb去旅行要自備水
最怕外地的水唔乾淨會造成水土不服
咁就掃興喇
到時BB辛苦大人都辛苦

好多人會自己帶水煲煲水
除左帶水煲外
而家多個選擇可以帶呢支活泉水
感覺仲更加方便
煲少d水慳d時間
出去玩的時間又多d喇 haha

等諵b再大d帶佢去旅行時
我都會買定幾支帶去~~

嬰兒天然活泉水

HiPP喜寶嬰兒天然活泉水是晶瑩剔透的礦泉水，滿足寶寶的特別需求。嬰兒天然活泉水適用於準備與水混合的嬰兒食品，如嬰兒奶粉或較大嬰兒奶粉，準備奶米糊、用來稀釋寶寶的果汁或作為解渴飲料皆可。

當沒有符合品質要求的飲用水或不確定水的品質時（如在旅行中），HiPP喜寶嬰兒天然活泉水就尤為適合。

HiPP喜寶嬰兒天然活泉水

• 適合製作嬰兒食物
• 純天然活泉水，為至愛寶寶解渴良品。
• 適合寶寶的低鈉飲食
• 無氣天然活泉水
• 無需煮沸，可直接飲用
• 嚴格監控

8M12D 諵b爬爬爬

BB識爬的時間唔長

好快就會扶野企起身跟住學行

所以見到有爬行比賽我都想俾諵b參加留念

之前bb展的爬行比賽諵b未係好識爬

到今次huggies贊助bk搞的比賽諵b可以參加喇！

志在參與，勝負無所謂

老公出動平日唔俾掂的電線同電話

開頭幾順利

點知唔小心俾佢掂到就停低左喇

之後爬下停下

本來希望佢完成全程

最終只係爬到一半

不過我覺得佢已經好叻喇！

有機嬰兒食品。HIPP

有機呢2個字, 對好多媽媽有好大吸引力
雖然價錢貴D但BB健康最緊要
我都係一樣
自從諵B進食固體食物開始
我都盡量揀有機的材料, 包括米糊、新鮮食材
平日多數去吉之島或一田超市
都會比較多有機食物的選擇
諵B停左人奶後, 飲的奶粉都係有機牌子

平日我會盡量整新鮮蔬果蓉俾諵B食
不過為備不時之需
我都有入定幾罐即食蔬果蓉
當然都係要揀有機牌子啦
市面上有好多唔同的有機品牌
HIPP係其中一個大型而我又有信心的牌子
之前趁吉之島減價就入定左幾樽HIPP的蔬果蓉傍身

除左食品之外, 我近日先知道原來HIPP仲有出護理系列

諵B皮膚算幾好
不過都有少少地方有濕疹
所以佢用的cream我都精心挑選過
BB皮膚唔好真係幾困擾架
最怕係加入好多人工成份同香料
HIPP主打成份天然
相信佢的護理系列都好適合BB用

難得可以試用HIPP的產品
今次諵B有福喇!

 

HiPP 簡介

HiPP是德國百年品牌，在歐洲早被公認 為「有機」和「嬰兒食品」的代名詞。它率先取得歐盟12星環保標章認證，先後榮獲多項嬰兒食品系列大獎，成為全球最大的有機嬰兒食品企業和歐洲有機嬰兒食品銷量第一大品牌，在全球50個國家銷售，超過2億以上的媽媽們使用過HiPP的有機食品。

父母都希望把最好的給寶寶，為他打下良好的健康體質。有機農作物在種植過程中絕不使用非天然的化學物質，沒有經過基因改造，在純天然環境長成。HiPP一直追求最高的質量和安全標準，每一件HiPP喜寶有機食品都經過數百項或以上的檢測，它的標準甚至比歐盟有機食品標準還要高得多。

主要產品

HiPP奶粉、HiPP BB餅乾、 HiPP有機蔬果蓉、HiPP有機正餐、HiPP有機米糊、HiPP寶寶護理系列

購買渠道

SOGO、 一田 (大埔店、沙田店、旺角店、荃灣店、屯門店) 、玩具斗反城(尖沙咀海運大廈, i-square, 將軍澳pop-corn) 、Watson’s Baby、澳門新八佰伴

網址: http://www.hipp.hk

Facebook: http://www.facebook.com/HIPPHK

寫真集 - Studio篇

竟然miss左半歲去studio影相

我太失策喇>.<

呢輯相最終要等到7個月多少少先影

影前有2大擔心：

一黎嗰排係諵b食手高峰期

食到下巴紅晒

都擔心影出黎會好覺

好彩可能啲相夠光所以唔覺紅

二係諵b好怕生保地方同人

雖然佢唔喊唔扭

但會呆同唔俾反應

簡直係影相大忌

結果...完全出乎意料

攝影師一黎已經氹得佢勁開心

唔使warm up已經笑到咭咭聲

我同爸爸都好開心諵b咁投入

真係要俾10個讚攝影師哥哥

去相先！

當日影左好多造型，最喜歡呢個出浴照

青蛙bb

執相光啲，但無執都唔差呀！

嗰排成日做飛飛動作 see me fly

小小鋼琴家

大個仔喇！

其他造型：

其實今次最想影係家庭相，效果好滿意，睇下諵b笑得幾自然！

當日最有意義的一張相：諵b著番未出世已經買定的衫仔，同我地影番張真正的家庭照，眨下眼已經7個月人仔

呢輯相係sunny to heart photography影

價錢唔貴，可以拎晒相底

我覺得呢樣好重要架！

無執過唔緊要，有bb最自然一面已經夠

攝影師一腳踢，但睇得出好有heart

當日我地係最後一個家庭影，攝影師哥哥完全無趕收工

勁落力不停幫諵b轉造型轉場景

又氹到諵b好開心

效果真係好滿意

到諵b一歲時大個仔

想影輯室外相

唔知8月天氣咁熱頂唔頂得順呢

諵b 8個月

8個月

我覺得係諵b其中一個發展特別快的月份

好似學識好多野咁

食

繼續1固4奶

有時會2固3奶

不過諵b唔係日日有便便

擔心2固會令佢更難去便便

所以無特別轉

到佢大啲腸胃再成熟啲先轉

餵佢食粥好搞笑架

會自己張大口等人餵佢

甚至伸前個身驚等得耐咁

次次都笑死我同佢婆婆

開始俾佢試豬肉同雞肉

感覺雞肉鞋口啲

無咁鍾意食

仲有俾佢食下白麵包、bb餅乾

原來諵b都係為食仔

擺咩入佢口都肯食

食到唔肯停

無買鴨咀杯

直接俾佢試用飲管杯飲水

開頭當牙膠咬

咬咬下吸到啲水覺得好奇怪

用左幾次就識吸喇

原來真係唔使買鴨咀杯都得

便便

最弱一環

只要佢唔硬條狀就算隔幾日先去我都滿意喇

唔知點解用左所有方法都係唔會日日去

反應

學識爬喇

由一開始只識爬係度向後郁，或者拖住身向前

好快就識手腳協調咁向前爬

識爬後好快又識扶住床邊企起身

跟住就扶住床邊行

bb學野真係快

看牛時間到喇！