<試用分享> Haram水潤嬰兒濕紙巾

寫左blog咁耐, 第一次收到產品試用邀請

特別今次試用的係bb濕紙巾, 可以話係經常用到的物品

所以收到邀請就一口答應喇!

之前已經留意到Haram呢個牌子的儲奶袋同牙膠產品

口碑一直唔錯!

收到包濕紙巾第一個印象已經加分

因為佢有個蓋, 唔怕濕紙巾變乾

呢個設計真係好貼心

打開一d香料味都無,又再加分

bb皮膚咁幼嫩, 好易受刺激
濕紙巾直接用係bb皮膚, 天然無香料真係好重要

haram濕紙巾完全符合呢個最重要的條件

用第一張濕紙巾感覺已經好好!

厚度適中, 比起諵b用開的H牌薄

但反而更好用, 用起上黎更順手

再加埋凹凸花紋設計
幫諵b抹便便時好輕易就抹走晒, 真係好good!

雖然平時多數用乾棉濕水, 但出街或有時急起上黎

濕紙巾就變得好重要!
再加上冬天黎喇, 換片真係要快手快腳避免凍親bb 

一塊又好用, 又快抹得乾淨的濕紙巾就更幫到手喇!

睇番簡介, 除左用黎抹便便
haram濕紙巾仲可以直接用初生嬰兒臉部、咀巴及身體各處
而家諵b開始鍾意食手仔
得閒要幫佢抹手, 用haram濕紙巾就更加方便

仲有一個好體貼的地方
就係haram濕紙巾含有有機橄欖+有機蘆薈精華, 雙倍滋潤
bb用左唔怕乾之餘, 媽媽隻手都得到滋潤
雙倍貼心

睇黎諵b都好鍾意喎!

 

而家買haram濕紙巾仲有優惠
真係值得一試!

原箱20包 $388 免運費!!
平均每張只需$0.3
限時限量優惠
20/11 - 4/12期間
只限80箱

大家可以去下面的link購買喇~~

購買網址：http://www.yes-parents.com/shop/haram.do 

諵b大得太快

人地成日話bb大得好快
日日睇住自己的bb, 照計唔會覺得大得咁快
但唔知點解, 由陀bb到佢而家出世2個半月
我覺得時間過得快到誇張
望住佢個樣都覺得同出世相差好遠
好似2個bb咁XD

諵b 2個月喇!

闊別blog多時, 終於回歸喇!

湊bb日子真係好忙, 有時間都想瞓多陣

所以除左係yahoo blog執笠前打番生諵b的經過後

完全無寫過諵b的成長

眨下眼諵諵2個半月大喇!

睇番d相, 佢由一個粉團變左一個小人仔

再諗番啱啱知道有左佢的情景

真係要感恩生命的奇妙、慨嘆時間過得有幾快

要寫番呢2個月的心情真係好難

記得坐月好難捱, 唔可以洗頭好辛苦

腰骨痛到以為自己一世都係咁

餵人奶好快上奶, 但奶量好少, bb唔夠食要補奶粉

nipple損左好痛, 擔心bb唔識埋身

荷爾蒙影響下, 為餵奶試過喊試過沮喪

好彩都識自我調節, 知道餵奶粉唔係罪

慢慢坐完月荷荷爾蒙正常番, 心情都回復正常

而家只可以做到人奶為主, 奶粉為輔, 做唔到全人奶媽媽

每次泵奶勉強夠bb一餐4安, 夜晚同凌晨餵奶粉, 勉強做到日頭全人奶

今日都開始復工喇, 希望奶量唔好跌啦

真係追得好辛苦

呢2個月返健康院派成績表

bb重磅重得好理想~~

由出世超細碼2.36kg, 1個月已有3.65kg, 2個月有4.83kg

重左一個double有多, 而家係細碼b

醫生話佢係肚裡面時, 可能胎盤問題吸收唔到營養

出世後potential出番黎, 慢慢追番上去

bb由出世面尖尖, 到而家圓碌碌

腳仔無肉而家開始有小節瓜

希望keep住啦~~

今日復工喇! 好唔捨得出門口返工

下星期仲要返新工, 簡直係精神同壓力測試

返工時間屋企的web cam同bb相就係我的精神食糧

啱啱出世喊2喊, 一見到daddy就眼仔碌碌四圍望

Day 2 bb出世唔係好喊, 其他床bb扭計, 佢都唔會一齊喊, 又唔扭肚餓, 令我一度懷疑佢聽覺有無問題:p

到而家bb都唔會點扭計或者無原因地喊, 錫住daddy mammy
希望佢keep住乖乖啦!