我太失策喇>.<
呢輯相最終要等到7個月多少少先影
影前有2大擔心：
一黎嗰排係諵b食手高峰期
食到下巴紅晒
都擔心影出黎會好覺
好彩可能啲相夠光所以唔覺紅
二係諵b好怕生保地方同人
雖然佢唔喊唔扭
但會呆同唔俾反應
簡直係影相大忌
結果...完全出乎意料
攝影師一黎已經氹得佢勁開心
唔使warm up已經笑到咭咭聲
我同爸爸都好開心諵b咁投入
真係要俾10個讚攝影師哥哥
去相先！
當日影左好多造型，最喜歡呢個出浴照
青蛙bb
執相光啲，但無執都唔差呀！
嗰排成日做飛飛動作 see me fly
小小鋼琴家
大個仔喇！
其他造型：
其實今次最想影係家庭相，效果好滿意，睇下諵b笑得幾自然！
當日最有意義的一張相：諵b著番未出世已經買定的衫仔，同我地影番張真正的家庭照，眨下眼已經7個月人仔
呢輯相係sunny to heart photography影
價錢唔貴，可以拎晒相底
我覺得呢樣好重要架！
無執過唔緊要，有bb最自然一面已經夠
攝影師一腳踢，但睇得出好有heart
當日我地係最後一個家庭影，攝影師哥哥完全無趕收工
勁落力不停幫諵b轉造型轉場景
又氹到諵b好開心
效果真係好滿意
到諵b一歲時大個仔
想影輯室外相
唔知8月天氣咁熱頂唔頂得順呢
啲相好靚靚喎
回覆刪除最羨慕就係諵b 張張都好好笑容, 一家人笑容一致, 好溫馨
我like 爆呀!!!!!!!!!!!!!!!
thank you呀! 我都好好好LIKE架~~~
刪除你知bb影相真係好睇佢地心情, 佢咁配合真係好安慰 haha
D 相好靚呀！
回覆刪除諵 B 好合作呀！換倒咁多造型又笑容滿面,好乖呢！
簡直出乎我地意料之外呀! 佢真係好合作, 笑足全程, 一影完相食奶奶就瞓左覺
刪除諵b好叻叻，成日笑影得好好呀！mini me嗰張好有意思呀！
回覆刪除