睇場(三)-落實場地喇!

我同男朋友都係唔鍾意周圍行, 要所有選擇都要睇晒先下到決定的人

一來覺得麻煩, 又無時間, 二來睇得越多反而越難取捨

所以行左幾間, 心目中已經有心水

就係荃灣美心皇宮喇!!

雖然地點近我屋企, 唔近男朋友屋企

但係地鐵站一出就係, 親戚朋友要去都好方便

因為前身係戲院, 樓底勁高, 起碼兩層樓

旁邊有D仿露台設計, 如果真係可以上去影相就好喇

24圍就可以包場, 20圍要間板, 但間完都唔係好覺, 因為出面剩番好少地方, 接受到

場地都好闊落, 唔會迫

美心集團食物質素有保證, 我地試過去飲茶, 真係幾好味, 不過飲茶黎講好貴

劉經理好好人, 好多野都可以傾可以問, 仲俾我地落一半訂, 等EXPO再落埋另一半, 咁就可以拎埋D優惠喇, yeah~

我同男朋友真係好鍾意呢個場, 越睇越鍾意

好彩媽咪黎睇下, 唔係可能miss左呢個好地方