收到喇!!

等到頸都長(其實只係等左兩個半月, 比其他婚紗相公司已經係好快), 終於收到相喇!!

星期一收到fedex電話, 可惜無人係屋企收件, 改做今晚收

收工去左個飯局, 返到屋企就見到佢擺左係廳中間

個箱痴到好實呀, 要搵爸爸出手

打開佢, 見到包得好安全的相簿

裡面有我最愛的婚紗照

先係十吋相架, 比相像中大喎...而家睇返,其實係咪應該揀張大頭相呢?!

包套的相簿, 我地無加錢轉其他款, 呢款都好靚呀...不過睇上去好似大本左既

又係有個疑問, 點解會揀呢張封面相呢? !

仲有最愛的白色相簿, 真係好靚呀, 封面的水晶, 仲有封底的花紋, 靚爆

呢張封面就好滿意喇!!

最後當然唔少得珍貴的光碟, 裡面有齊160張相架!!

逐張睇下, 有d相依然係咁靚....有d會奇怪點解無揀入相簿, 有d又會奇怪點解rex會揀佢入160張best shots...

CD封面有少少...DD...丁丁"娘"啦...haha

同埋點解揀呢張相印係CD面呢, 我隻手....唔知想點, haha

真係好鍾意