話說好早之前已經係RHP租1件婚紗2件晚裝, 決定唔租送客晚裝, 諗住多d時間影相, 唔使成晚不停換衫轉妝
1st trial時hold左款, 到上個月去2nd trial, 揀定左款就可以影相, 唔可以再轉, 最終揀左:
迎賓 - 轉左做西瓜紅魚尾lace晚裝
敬酒 - 仍然係1st trial時的酒紅色silk晚裝
婚紗 - 想轉其他款, 可惜揀唔啱, 都係hold番上次果件, 上身lace下身紗裙
揀衫過程當然盡顯我的麻煩性格, 唔知自己想點, 又鍾意又驚著得唔好睇又驚唔襯自己....但有一樣最令我介懷, 就係件婚紗硬係唔滿意, 件婚紗係靚, 著出黎ok, 但自己總係睇唔順眼, 返屋企睇完又睇d相, 都係唔鍾意
同朋友講, 當然無我咁好氣, 但佢都認為, 婚紗係最重要的, 唔好令自己後悔! 考慮左好耐, 究竟應唔應該嘥錢再租一件?!淨番一個月時間先再去搵婚紗, 係咪自己攞黎煩?!
最終, 我決定俾最後一次機會自己, 因為一早book左上wendy度睇媽咪衫, 但未等得切上去, 媽咪已經係金都揀左, 所以我決定將呢個機會轉俾自己, 如果wendy度揀到就租, 揀唔到疊埋心水唔好再諗
世事就係咁得意, 記得上次去wendy度租衫, 一試果件就最鍾意租左。今次又係, 講完我心目中的the one, wendy話只得2款啱我試, 一試第一件已經好鍾意, 第二件就多d釘工...朋友話, 你諗清楚未, 呢次係最後機會, 唔好返去又唔鍾意...考慮左5分鐘就決定租, 價錢好相宜, 終於圓左呢件心事~
黎緊星期六再去RHP轉件婚紗做送客晚裝, 要補$500...
為左the one, 要用多左咁多錢其實好肉痛, 但而家望住件the one, 真係越睇越鍾意, 我知道唔咁做我成世後悔...如果我一早遇到wendy, 就可能唔使用咁多錢
整件事我男朋友完全唔知情, 係佢眼中, 所有婚紗都係白色, 款式大同小異...我唔知佢最終會唔會發現唔同左, 但我知道佢唔會話我, 因為佢成日都話: 你鍾意就得啦~
女仔就係咁呀...我試衫個時同你諗法1樣,"又鍾意又驚著得唔好睇又驚唔襯自己"...平時我可以好爽快就決定,,但當揀衫時自己都唔知自己想點...好討厭呀...哈哈 用多少少錢,但租到心中the one,自己著得開心就夠呀...唔好再諗哂錢問題啦,,要做個靚靚幸福新娘子ma 男仔眼中婚紗套套都1樣,,白色+閃+長長地...hahaha,,只要佢話ok啦,証明佢接受呀,佢無意見就ok架啦,,佢出聲先係最大件事,,通常好接受唔到,男仔先會出聲ma,,可能大部分男仔呢句都係口頭禪"你鐘意就得啦"我男朋友都經常咁講,,都好既,,比我話哂事ma,,即係鍚我啦,咁諗會開心好多呀
回覆刪除揀衫過程當然盡顯我的麻煩性格, 唔知自己想點, 又鍾意又驚著得唔好睇又驚唔襯自己....但有一樣最令我介懷, 就係件婚紗硬係唔滿意, 件婚紗係靚, 著出黎ok, 但自己總係睇唔順眼, 返屋企睇完又睇d相, 都係唔鍾意 <--- 我而家遇到同樣問題....又係唔知好冇去第二度租過件婚紗...又係怕好似好晒錢....
回覆刪除