拿拿聲起身刷牙,啱啱好刷完mua就黎到門口
跟住幫姊妹化妝的mua都到左喇, 細妹都要起身準備
我就拿拿聲敷mask、化妝、set頭
細佬妹幫手買早餐, 跟住攝影師又到喇
好記得朝早的心情好忐忑, 唔知點解好緊張, 係緊要到震o個種....終於要迎接人生中最重要的一日喇
化好妝, 兄弟團係樓下影相
我就同姊妹影下相, 逐個派利是同影合照, 要扮傾計, 其實唔知講咩好, haha
影下d standard post
我的靚靚姊妹
到差唔多要入房喇...佢地上黎lu
細妹開住個facetime俾我睇佢地玩遊戲
而家諗番, 原來我的遊戲真係好小兒科, 連攝影師都話點解咁錫住d兄弟
玩遊戲比原定時間遲左大半個鐘, 搞到我係房都好心急
直情whatsapp細妹話玩快d
但俾開門利是時班兄弟仲要講價, 逐封逐封咁比, 激死我
終於讀埋愛的宣言可以行出黎...
以後要聽聽話話喇
好鍾意呢張, 氣氛好好~~
斟茶時間
出門喇! 因為遲左, 要趕吉時, 搞到無得係樓下影大合照, 後來諗番好可惜呀><
沒有留言:
張貼留言