坐月用品 (一)

成日聽坐月對女人好重要
下半生的健康都係由呢個月決定
要乖乖地, 唔好洗頭沖涼
入左風下半生就受頭痛、關節痛困擾
忍一個月好快過

我坐月時正值9月中
啱啱過左7、8月的炎夏, 但一定仲係盛夏
雖然可以開冷氣, 但要成個月唔洗頭沖涼根本無可能
仲有一樣好重要就係餵人奶, 衛生好重要
自己個人咁污糟點埋身餵bb呢?!

而家有兩手準備
用煲薑醋刨的薑皮曬乾留黎沖涼、洗頭用
上網有人教沖涼洗頭後用薑水沖下等個人暖番
同埋即時吹乾頭髮就唔怕入風

除左薑皮外, 亦有人教艾葉等中草藥, 要再研究下

另一手準備就係薑的沖涼、洗頭用品
間中都會聽到朋友講邊隻牌子有薑邊隻無
咁啱係網上見到有人推介呢個台灣牌子

薑心比心
產品用高山純淨老薑製成
種薑過程採用自然農法, 不用化學肥料, 沒有污染
堅持一塊田種一次薑後, 便會休耕三年的種植方法

睇到呢段介紹, 對呢個品牌好有興趣
仲話好啱坐月的媽媽用
咁啱老公去台灣, 就可以托佢買返黎喇
為坐月做好準備

(一) 薑養純露洗髮精 360g  NT$450
皇牌產品, 用過的人都讚好好用
主要成分：老薑精華、純露等精華萃取
適用髮質：質地溫和，適合中性髮質使用


(二) 薑潤養髮乳 360g  NT$450
即係護髮素, 長頭髮不可缺
主要成分：老薑精華、維他命B5、荷荷巴油及乳油木果油萃取

適用髮質：適合一般及較乾燥髮質使用

(三) 薑奶皂 120g NT$180
另一皇牌產品
適用膚質：質地溫和，一般膚質適用
手工皂蘊含薑奶、蜂蜜等萃取
薑塊部分可做為天然去角質

買夠NT$1500有薑味沖涼液同浴鹽送
本來想試佢的沐浴露, 最後決定買埋另一推介產品卸妝乳 
薑莘青橄欖卸妝潔顏乳 200ml NT$620
商品適用：臉部、眼部卸妝用
老薑與橄欖油萃取精華
橄欖油能給予肌膚滋潤與保濕，且質地細緻能溫和卸除臉部彩妝與毛孔髒
連眼妝也能輕鬆卸乾淨

贈品

呢個牌子的產品唔算平, 標榜天然令我好心動
希望真係有用啦!


P.S. 如果真係想試下, 佢接受海外訂購架, 可以運黎香港
不過呢d產品都有一定重量, 運費未必平