諵b遊台灣 Day 2

今日係朋友結婚大日子

朝早9點半出發去酒店參加接新娘

循例都有玩新郎儀式

新郎係台灣人

就叫佢用廣東話唱歌啦

過程既甜蜜又搞笑架~~

 

台灣興中午宴客

接左新娘後

我地就出發去婚宴地方

類似香港的酒樓

但一幢3層高都係專擺酒席既

每個廳唔大, 擺到10幾圍, 一圍10個人

其他佈置都近似香港

菜式比香港平, 大大碟

可能食慣香港的例牌菜式

台灣果d幾特別

有魚生、糯米飯、豬仔骨

味道都好ok, 不過太大碟食唔晒

 

大約2點半婚宴就完

諵B都夠鐘午睡

我地出發去行街

行街期間諵B全程瞓覺

太好喇~

去左新光三越行下

買少少豬肉俾諵b晚餐

仲有諵b favorite香蕉

行童裝部買左2件衫仔做手信

呢間的衫仔好特別

細個朋友送過一件夾衣好可愛

特登黎買番件衫俾諵B新年著

再買多件俾表弟BB

行完就返酒店準備諵B的晚餐

中午用象印焗左粥

夜晚用象印焗意粉+baby food

準備出發去桃園機場附近夜市

因為有2個團友今晚要返香港喇

(佢地真係飛過黎一晚出席朋友婚宴, 好有心)

大人係夜市開餐食海鮮

諵b都一齊開餐食意粉

意粉好快焗淋

加d baby food再焗一焗就食得

諵b都食到lam lam脷呀

大約9點就返酒店

車程要1個鐘, 諵b到後期已經不停扭計

要小朋友迫係架的士個幾鐘我都明辛苦

再加上眼瞓更加失控

好不容易捱到返酒店

拿拿聲同佢沖涼瞓覺

因為第二朝要早起身趕景點呀