9.25 外影篇

o係男家食完飯, mua都食完飯返黎幫我轉妝換婚紗, 準備出去影外景喇~
當日落住雨, 好擔心影唔成呀...
原本諗住去尖沙咀海傍同1881影, 但考慮到落雨同星期日人多, 最後去左九龍公園裡面的文物探知館
好彩有伴娘係度, 影相過程順利d~
我堅持叫埋兄弟姊妹去外影, 因為想同好朋友一齊留倩影嘛, 出黎效果好開心呀~~

 

  

最鍾意呢2張呀~~

   
拋花球連環圖, 可惜kick裙腳跌左落地...

 

  

      

有一樣野要提...
文物探知館部分地方列為古蹟, 而普通市民未必知, 所以不停有管理員係身邊跟住你, 當你去到o個d地方就會話唔可以踩呀、小心d呀, 有d位影多幾張相又話你唔可以留咁耐, 搞到未企定已經被人趕, 好多可以好靚的相就係因為個樣未ready而唔要得, 又或者突然企左個管理員係後面...真係好可惜>"<
加上我地有朋友幫忙已經係咁, 可想而知隨便走入去會係幾麻煩...

不過撇除呢d, 文物探知館的古雅環境真係值得留影, 佢同1881的古典唔同, 1881都好靚, 但充滿商業味道, 個人感覺探知館的古雅係高貴d, 最重要係人少好多呀!!