1個24cm蜂巢鍋+1個24cm湯鍋, 終於返左屋企喇!!
今次買staub都有小小故事:
話說因為係特價set, 2個鍋都只能揀紅色, 雖然好想要黃色, 但問左好多次都唔轉得, 唯有疊埋心水要紅色啦
第1日特價買左, 等最後1日老公幫我去拎
拎之前行左去citysuper, 經過孖人牌counter八卦望下
點知見到佢地都做緊同一個價錢的特價set, 仲要有得揀顏色, 即時覺得好唔抵呀
一田特價又唔係特別平, 仲要唔俾揀色!!
行過去一田counter問下sales姐姐, 佢都好奇怪o個邊counter有同一個set
即刻打去問下, 原來o個邊可以揀黃色or灰色, 但只能2個煲揀同一隻色
佢俾我轉, 我當然揀黃色啦, 開心死呀~~
其實老公鍾意灰色, 不過無辦法啦, 只能夠揀一隻色…
點知劇情峰迴路轉, 過2日sales姐姐打俾我, 話24cm湯鍋黃色無咁快有貨, 問我要灰色好唔好, 當然好啦…haha
而家2隻色都有齊喇~~
返去另一個煩惱係點樣搽油呢?!
最後大條道理去le creuset買左支掃, 粉藍色, 好靚~
要焗2日油先可以開光(多謝blog友芝士教我
, sales姐姐話焗1日咋, 原來焗2日會好d)
Staub鍋唔能夠用大火同煎野唔可以咁快反, 如果唔係好易痴底
所以好簡單咁試下煎荷包蛋同蜜糖腸仔, 了解下點樣控制火力同時間先
果然第一次太快反隻蛋, 真係痴底, 好彩好易起番出黎
之後煎蜜糖腸仔, 落完蜜糖反兩反再焗一焗佢
雖然好簡單, 但唔知點解好似特別入味, 蜜糖唔係就咁黏係腸仔面
唔通真係用佢煮餸特別好味?! Hehe
呢次用左膠鑊鏟, 點知好似想溶咁, 最後又大條道理去LC買支silicone spatula spoon, 粉紅色, 襯番粉藍色~
望住d顏色咁靚的煲同utensils, 真係煮飯都煮得開心d
而家有好多野想買: 想要支spatula for整曲奇; 想買多個細size (eg 18cm or 20cm) for炆下餸/煲仔飯, 但今次想試下LC, 而家買唔平, 等開倉又要等多幾個月
今次買煲領悟到個真理, 原來真係會中毒架!! 不過我會理性地買, 買有用的size,唔可以為儲而儲~~
仲有一個好處, 真係會因為d靚煲而成日好想煮飯..haha
同場加映, 工展會staub特價set, 好似好抵喎!!
我對佢個磁性鍋墊好有興趣~~
haha~買煲都會中毒~~??? 你似係中左一田毒~~
回覆刪除